കൊടകര: കിണറ്റില്‍വീണ് ഓട്ടോ ഡ്രൈവര്‍ മരിച്ചു. കൊടകര തെക്കേമഠം പ്രകാശൻ (54) ആണ് മരിച്ചത്. തിങ്കളാഴ്ച ഉച്ചക്ക് 1.30ഒാടെയാണ് കൊടകര കനാല്‍ പരിസരത്തെ ആൾമറയുള്ള കിണറ്റില്‍ വീണ് മരിച്ചത്.ചാലക്കുടിയില്‍ നിന്ന് അഗ്‌നിരക്ഷാസേന സ്ഥലത്തെത്തി ഇയാളെ പുറത്തെടുത്ത് ചാലക്കുടി താലൂക്ക് ആശുപത്രിയില്‍ എത്തിച്ചെങ്കിലും മരണം സംഭവിച്ചു. കൊടകര ടൗണിലെ ഓട്ടോ ഡ്രൈവറാണ്. കൊടകര പൊലീസ് എത്തി മേല്‍ നടപടികള്‍ സ്വികരിച്ചു. മൃതദേഹം ചാലക്കുടി താലൂക്ക് ആശുപത്രി മോര്‍ച്ചറിയില്‍. മക്കള്‍: പ്രവീണ്‍, പ്രവിത. മരുമകന്‍: വിമല്‍.
