കൊടുങ്ങല്ലൂർ: കോട്ടപ്പുറം പാലത്തിൽ നിന്ന് പുഴയിൽ ചാടിയ സ്ത്രീയുടെ മൃതദേഹം കടലിൽ കണ്ടെത്തി. ഏലൂർ ചെട്ടിമുക്ക് കൂനംതൈ ചിറയത്ത് പരേതനായ ഫ്രാൻസിസിെൻറ ഭാര്യ ഏലിയാമ്മയാണ് (62) മരിച്ചത്. വ്യാഴാഴ്ച രാവിലെയാണ് ചെറായി ഭാഗത്ത് കടലിൽ മൃതദേഹം കണ്ടെത്തിയത്. ബുധനാഴ്ച വൈകീട്ട് 5.30 ഓടെയാണ് പാലത്തിന് മുകളിൽ നിന്ന് ചാടിയത്. കൊടുങ്ങല്ലൂർ പൊലീസും ഫയർഫോഴ്സും, അഴീക്കോട് തീരദേശ പൊലീസും തെരച്ചിൽ നടത്തിയിരുന്നു. ഏലൂർ പൊലീസ് സ്ഥലത്തെത്തി മേൽ നടപടി സ്വീകരിച്ചു. കൊടുങ്ങല്ലൂർ താലൂക്ക് ആശുപത്രിയിൽ പോസ്റ്റ്മോർട്ടം നടത്തി.
