വടക്കാഞ്ചേരി: പ്രശസ്ത സിനിമ, സീരിയൽ, നാടക നടൻ മുണ്ടത്തിക്കോട് പരേതനായ പെഴുങ്ങാട്ടിൽ നാരായണൻ നായരുടെ മകൻ ചന്ദ്രൻ (തൃശൂർ ചന്ദ്രൻ-59) നിര്യാതനായി. പി.എൻ. മേനോൻ, സത്യൻ അന്തിക്കാട് എന്നിവരുടെ സിനിമകളിൽ സ്ഥിരം സാന്നിധ്യമായിരുന്നു. തിരുവനന്തപുരം അതുല്യയുടെ ‘വെനീസിലെ വ്യാപാരി’ എന്ന നാടകത്തിലെ അഭിനയത്തിന് 2002ൽ നല്ല നടനുള്ള സംസ്ഥാന അവാർഡ് നേടിയിട്ടുണ്ട്. ഗുരുവായൂർ ബന്ധുര, ദൃശ്യകലാഞ്ജലി, കൊല്ലം ഐശ്വര്യ, തൃശൂർ ചിന്മയ, ഓച്ചിറ ഗുരുജി എന്നീ നാടക സംഘങ്ങളിൽ നടനായിരുന്നു. സത്യൻ അന്തിക്കാടിെൻറ അച്ചുവിെൻറ അമ്മ, ഭാഗ്യദേവത, ഹരിഹരെൻറ പഴശ്ശിരാജ, പി.എൻ. മേനോെൻറ വിവിധ സിനിമകൾ തുടങ്ങിയവയിലും സീരിയലുകളിലും അഭിനയിച്ചു. മാതാവ്: കുഞ്ഞി ലക്ഷ്മി അമ്മ. ഭാര്യ: വിജയലക്ഷ്മി. മകൻ: വിനീഷ്. മകൾ: സൗമ്യ. മരുമകൻ: പ്രസാദ്. സംസ്കാരം ഞായറാഴ്ച 9.30ന് പാറമേക്കാവ് ശാന്തി ഘട്ടിൽ.
