പുന്നയൂർക്കുളം: തെങ്ങിൽനിന്ന് വീണ് തൊഴിലാളി മരിച്ചു. കൊച്ചന്നൂർ അതിർത്തി കുന്നുംകാട്ടിൽ വിജയനാണ് (64) മരിച്ചത്. ബുധനാഴ്ച രാവിലെ അതിർത്തിയിലെ സ്വകാര്യ ഉടമസ്ഥതയിലുള്ള സ്ഥലത്ത് തെങ്ങ് കയറുന്നതിനിടെ താഴെ വീഴുകയായിരുന്നു. കുന്നംകുളത്ത് സ്വകാര്യ ആശുപത്രിയിൽ എത്തിച്ച ശേഷമാണ് മരണം.മൃതദേഹം കുന്നംകുളം താലൂക്ക് ആശുപത്രിയിലേക്ക് മാറ്റി. കഴിഞ്ഞ തദ്ദേശ സ്വയംഭരണ തെരഞ്ഞെടുപ്പിൽ വടക്കേക്കാട് പഞ്ചായത്തിലെ നാലാം വാർഡ് യു.ഡി.എഫ് സ്ഥാനാർഥിയായിരുന്നു. ഭാര്യ: സരസു. മക്കൾ: സജീവ്, സജിത, സംഗീത.
