കൊടകര: ആളൂരില്‍ തനിച്ച് താമസിക്കുന്ന വയോധികനെ വീടിനകത്ത് ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. ആളൂര്‍ പെട്രോള് പമ്പിന് പുറകിലുള്ള ഐനിക്കാട്ടില്‍ വേലായുധെൻറ മകന്‍ രാമകൃഷ്ണൻ (65) ആണ് മരിച്ചത്. നെറ്റിയിലും തലയുടെ ഒരു വശത്തും ചെറിയ മുറിവുകള്‍ കാണപ്പെട്ടു.
ചൊവ്വാഴ്ച രാത്രി വൈകി വീടിെൻറ വാതില്‍ തുറന്നുകിടക്കുന്നത് കണ്ട് അയല്‍വാസികള്‍ നോക്കിയപ്പോഴാണ് മൃതദേഹം കണ്ടത്. ആളൂര്‍ പൊലീസ് സ്ഥലത്തെത്തി മേല്‍നടപടി സ്വീകരിച്ചു.
പ്രത്യക്ഷത്തില്‍ കൊലപാതകമാണെന്ന് സംശയിക്കാനുള്ള തെളിവുകളൊന്നും ലഭിച്ചിട്ടില്ലെന്നും പോസ്റ്റ്മോർട്ടം റിപ്പോര്‍ട്ട് ലഭിച്ചാലേ മരണകാരണം വ്യക്തമാകൂ എന്നും പൊലീസ് അറിയിച്ചു.
