പൂക്കോട്ടുംപാടം: കളിക്കുന്നതിനിടയിൽ ഊഞ്ഞാലിെൻറ കയർ കഴുത്തിൽ കുരുങ്ങി എട്ട് വയസ്സുകാരൻ മരിച്ചു. വട്ടപ്പാടം തീക്കുന്നൻ സതീഷ് ബാബു എന്ന കുട്ടെൻറയും രഞ്ജിതയുടെയും മകൻ അർജുനാണ് മരിച്ചത്.പായമ്പാടം ഗവ. എൽ.പി സ്കൂൾ നാലാം ക്ലാസ് വിദ്യാർഥിയാണ്. ഞായറാഴ്ച രാവിലെ 11ഓടെ വീട്ടിൽനിന്ന് 50 മീറ്റർ അകലെ കളിയൂഞ്ഞാലിൽ കൂട്ടുകാരനായ നാലു വയസ്സുകാരനൊപ്പം കളിക്കുേമ്പാഴാണ് സംഭവം.ഊഞ്ഞാലിെൻറ കയർ അബദ്ധത്തിൽ കഴുത്തിൽ മുറുകുകയായിരുന്നു. കൂട്ടുകാരൻ വിവരമറിയിച്ചതോടെ സതീഷ് ബാബുവും സുഹൃത്തുക്കളും ചേർന്ന് ഊഞ്ഞാലിൽനിന്ന് കുട്ടിയെ എടുത്ത് ഉടൻ പൂക്കോട്ടുംപാടത്തെ സ്വകാര്യ ആശുപത്രിയിലും തുടർന്ന് നിലമ്പൂർ ജില്ല ആശുപത്രിയിലുമെത്തിച്ചെങ്കിലും രക്ഷിക്കാനായില്ല.പൂക്കോട്ടുംപാടം പൊലീസ് ഇൻക്വസ്റ്റ് നടത്തി. മൃതദേഹം മഞ്ചേരി മെഡിക്കൽ കോളജ് മോർച്ചറിയിൽ.
