വർക്കല: ആറ്റിങ്ങൽ കോടതിയിലെ അഭിഭാഷകനെ ട്രെയിൻ തട്ടി മരിച്ച നിലയിൽ കണ്ടെത്തി. കാപ്പിൽ വടക്കേ വലിയവിളാകം വീട്ടിൽ എം. ശിവപ്രസാദിനെയാണ് (60) തിങ്കളാഴ്ച രാവിലെ ആറോടെ കാപ്പിൽ റെയിൽവേ സ്റ്റേഷന് വടക്ക് മൂലക്കട ഭാഗത്തുള്ള റെയിൽവേ ട്രാക്കിൽ മരിച്ചനിലയിൽ കണ്ടത്. അയിരൂർ പൊലീസ് സ്ഥലത്തെത്തി മേൽനടപടികൾക്കുശേഷം മൃതദേഹം പാരിപ്പള്ളി മെഡിക്കൽ കോളജ് ആശുപത്രിയിലേക്ക് മാറ്റി. ഭാര്യ: റീന. മക്കൾ: ശിൽപ, ശിവപ്രിയ. ചൊവ്വാഴ്ച രാവിലെ പോസ്റ്റ്മോർട്ടത്തിന് ശേഷം വീട്ടുവളപ്പിൽ സംസ്കരിക്കും.
