ആളൂര്‍: സെക്യൂരിറ്റി ജീവനക്കാരന്‍ ജോലിക്ക് പോകുന്നതിനിടെ കുഴഞ്ഞുവീണ് മരിച്ചു. കൊടുങ്ങല്ലൂര്‍ അഴീക്കോട് ചെറുപുള്ളിത്തറ ചിദംബരനാണ് (65) മരിച്ചത്. കൊറ്റനല്ലൂര്‍ ആണ്ടുബലിത്തറ ക്ഷേത്രത്തിലെ സെക്യൂരിറ്റി ജീവനക്കാരനായിരുന്നു. കൊറ്റനല്ലൂരിലെ മകളുടെ വീട്ടില്‍ താമസിക്കുന്ന ഇയാള്‍ ഞായറാഴ്ച വൈകീട്ട് സൈക്കിളില്‍ ജോലിക്ക് പോകുന്നതിനിടെയാണ് കുഴഞ്ഞു വീണ് മരിച്ചത്. ആളൂര്‍ പൊലീസ് മേല്‍നടപടി സ്വീകരിച്ചു. മൃതദേഹം പോസ്റ്റുമോര്‍ട്ടം നടത്തി ബന്ധുക്കള്‍ക്ക് വിട്ടുകൊടുത്തു.
