ഇരിങ്ങാലക്കുട: പൊറത്തിശ്ശേരി പഞ്ചായത്ത് മുൻ അംഗവും സി.പി.എം പൊറത്തിശ്ശേരി ബ്രാഞ്ച് അംഗവുമായ പൊറത്തിശ്ശേരി എടയ്ക്കാട്ടിൽ ഗോപാലകൃഷ്ണെൻറ ഭാര്യ സുമതി (58) നിര്യാതയായി. കോവിഡ് ബാധിച്ച് എറണാകുളത്ത് സ്വകാര്യ ആശുപത്രിയിൽ ചികിത്സയിലായിരുന്നു. എറെക്കാലം അർബുദ ചികിത്സയിലുമായിരുന്നു. പൊറത്തിശ്ശേരി പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൻ, ഇരിങ്ങാലക്കുട ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൻ, മഹിള അസോസിയേഷൻ ഏരിയ കമ്മിറ്റി അംഗം, എൻ.ആർ.ഇ.ജി.എസ് വർക്കേഴ്സ് യൂനിയൻ ജില്ല കമ്മിറ്റി അംഗം എന്നീ നിലകളിൽ പ്രവർത്തിച്ചിട്ടുണ്ട്. മക്കള്‍: ഹിമ, ഹിതിൻ. മരുമക്കള്‍: സജിത്ത്, രഞ്ജിത.
