ആമ്പല്ലൂര്: ദേശീയപാത മുറിച്ച് കടക്കുന്നതിനിടെ കാല്നടയാത്രികന് പിക്ക് അപ്പ് വാൻ ഇടിച്ച് മരിച്ചു. ഒല്ലൂര് എടക്കുന്നി മണലാറ്റില് മണപ്പാട്ടില് വീട്ടില് കുട്ടപ്പനാണ് (75) മരിച്ചത്. തിങ്കളാഴ്ച രാത്രി ഒമ്പതിന് ആമ്പല്ലൂര് ഗോകുലം ഹോട്ടലിന് സമീപമായിരുന്നു അപകടം. പാലിയേക്കര ഭാഗത്ത് നിന്നു ചാലക്കുടി ഭാഗത്തേക്ക് പോയിരുന്ന വാഹനമാണ് ഇടിച്ചത്. പുതുക്കാട് പൊലീസ് മേല്നടപടി സ്വീകരിച്ചു.
