തിരുവല്ല: ഓട്ടോറിക്ഷയിൽ സഞ്ചരിക്കവേ ദേഹാസ്വാസ്ഥ്യം അനുഭവപ്പെട്ട തോട്ടഭാഗം സ്വദേശി കുഴഞ്ഞുവീണ് മരിച്ചു. തോട്ടഭാഗം കൃഷ്ണകൃപയിൽ കൃഷ്ണൻ കുട്ടി നായരാണ് (74) മരിച്ചത്. തിങ്കളാഴ്ച വൈകീട്ട് അഞ്ചരയോടെയായിരുന്നു സംഭവം. തിരുവല്ല ടൗണിൽനിന്ന് വീട്ടിലേക്ക് പോകാൻ ഓട്ടോറിക്ഷ വിളിച്ച കൃഷ്ണൻകുട്ടി നായരെ തോട്ടഭാഗം ജങ്ഷന് സമീപം പിൻസീറ്റിൽ കുഴഞ്ഞുവീണ നിലയിൽ കണ്ടെത്തുകയായിരുന്നു. ഓട്ടോഡ്രൈവർ ഉടൻ തിരുവല്ലയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. അസ്വാഭാവിക മരണത്തിന് തിരുവല്ല പൊലീസ് കേസെടുത്തു.
