കൊട്ടിയം: താന്ത്രികാചര്യൻ മുഖത്തല നീലമന ഇല്ലത്ത് പരേതരായ തന്ത്രി വൈകുണ്ഠം നമ്പൂതിരിയുടെയും പങ്കജാക്ഷി അന്തർജനത്തിെൻറയും മകൻ വൈകുണ്ഡം ഗോവിന്ദൻ നമ്പൂതിരി (67) നിര്യാതനായി. മസ്തിഷ്കാഘാതത്തെ തുടർന്ന് എറണാകുളത്ത് സ്വകാര്യ ആശുപത്രിയിൽ ചികിത്സയിലായിരുന്നു.തിരുവിതാംകൂർ ദേവസ്വത്തിൽ ഉൾപ്പെടെ കേരളത്തിനകത്തും പുറത്തുമായി 500ൽപരം ക്ഷേത്രങ്ങളുടെ തന്ത്രി ആയിരുന്നു. അഖിലകേരള തന്ത്രി മണ്ഡലം സ്‌ഥാപക നേതാവും രക്ഷാധികാരിയുമായിരുന്നു. നിലവിൽ യോഗക്ഷേമസഭ കൊല്ലം ജില്ല പ്രസിഡൻറ് പദവി ഉൾപ്പെടെ നിരവധി സംഘടനകളുടെ നേതൃസ്‌ഥാനം വഹിക്കുന്നുണ്ട്. ദീർഘകാലം മുഖത്തല മുരാരി ക്ഷേത്രത്തിൽ താന്ത്രിക വൃത്തിയിലും മേൽശാന്തിയും ആയിരുന്നു. ഭാര്യ: റിട്ട അധ്യാപിക ലീല അന്തർജനം (മാധവപ്പള്ളി ഇല്ലം). മക്കൾ: വിഷ്ണുദത്ത് നമ്പൂതിരി, ശങ്കർദത്ത് നമ്പൂതിരി. സംസ്കാരം ഞായറാഴ്ച ഉച്ചക്ക് ഒന്നിന് മുഖത്തല നീലമന ഇല്ലത്തിൽ.
