കയ്പമംഗലം: ദേശീയപാതയിലെ കൊപ്രക്കളം സെൻററിൽ ചരക്കുലോറിയും കാറും കൂട്ടിയിടിച്ച് യുവാവ് മരിച്ചു. കാര്‍ ഓടിച്ചിരുന്ന ഇരിങ്ങാലക്കുട പുല്ലൂര്‍ പുളിഞ്ചോട് കോക്കാട്ട് വീട്ടില്‍ ആേൻറായുടെ മകന്‍ അലക്‌സാണ് (22) മരിച്ചത്. കാറിലുണ്ടായിരുന്ന വരാപ്പുഴ കല്ലിങ്ങല്‍ വീട്ടില്‍ വിജീഷിനെ ഗുരുതര പരിക്കുകളോടെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച പുലര്‍ച്ച ഒന്നരയോടെയായിരുന്നു അപകടം. മൂവാറ്റുപുഴയില്‍നിന്ന് പൈനാപ്പിള്‍ കയറ്റി പോവുകയായിരുന്ന ലോറിയാണ് എറണാകുളത്തേക്ക് പോയ കാറുമായി കൂട്ടിയിടിച്ചത്. ഇടിയുടെ ആഘാതത്തില്‍ കാറില്‍ കുടുങ്ങിയ ഇരുവരെയും പൊലീസും ഫയര്‍ഫോഴ്‌സും ചേര്‍ന്ന് കാര്‍ വെട്ടിപ്പൊളിച്ചാണ് പുറത്തെടുത്തത്. അലക്‌സ് സംഭവസ്ഥലത്ത് മരിച്ചു. വരാപ്പുഴയിലെ കാര്‍ വര്‍ക്ക്‌ഷോപ്പില്‍ മെക്കാനിക് ആയിരുന്നു അലക്‌സ്. ഉടമ വിജിഷിനോടൊപ്പം റിപ്പയര്‍ ചെയ്ത വാഹനം വടകരയില്‍ എത്തിച്ച് മടങ്ങുകയായിരുന്നെന്ന് അലക്‌സിെൻറ ബന്ധുക്കള്‍ പറഞ്ഞു. മൃതദേഹം ‘നന്മ’ ആംബുലന്‍സ് പ്രവര്‍ത്തകര്‍ കൊടുങ്ങല്ലൂര്‍ താലൂക്ക് ആശുപത്രിയിലേക്ക് മാറ്റി. കാര്‍ പൂര്‍ണമായി തകര്‍ന്നു. കയ്പമംഗലം പൊലീസ് മേല്‍നടപടി സ്വീകരിച്ചു. ജാന്‍സിയാണ് അലക്‌സിെൻറ മാതാവ്. സഹോദരന്‍: ആന്‍സ്.
