വാടാനപ്പള്ളി: വാടാനപ്പള്ളി സെൻററിൽ ബീച്ച് റോഡിന് സമീപം കാറും സ്കൂട്ടറും കൂട്ടിയിടിച്ച് സ്കൂട്ടർ യാത്രക്കാരൻ മരിച്ചു. വെങ്കിടങ്ങ് തയ്പറമ്പിൽ രാജെൻറ മകൻ ദിങ്ങ്ജിത്താണ് (28) മരിച്ചത്. ചൊവ്വാഴ്ച രാത്രി 12.30ഓടെയായിരുന്നു അപകടം. കുന്നംകുളത്ത് ടിപ്പർ ഡ്രൈവറായ ദിങ്ങ്ജിത്ത് സുഹൃത്തിനെ വീട്ടിൽ കൊണ്ടാക്കി മടങ്ങുമ്പോഴാണ് അപകടത്തിൽപെട്ടത്. പരിക്കേറ്റ യുവാവിനെ വാടാനപ്പള്ളി നാസ്കെയർ ആംബുലൻസ് പ്രവർത്തകർ ഏങ്ങണ്ടിയൂരിലെയും പിന്നീട് തൃശൂരിലെയും സ്വകാര്യ ആശുപത്രികളിലെത്തിച്ചെങ്കിലും രക്ഷിക്കാനായില്ല. മാതാവ്: പ്രമീള. ഭാര്യ: ദുർഗ. സഹോദരി: ചിന്നു.
