ചേർപ്പ്: പാമ്പാംതോടിന് സമീപം ചൊവ്വൂർ പാടത്തെ തോട്ടിൽ കണ്ട മൃതദേഹം തൃശൂർ ശക്തൻ തമ്പുരാൻ മാർക്കറ്റിലെ ഇറച്ചിവെട്ട് തൊഴിലാളിയായ ബാബുവിേൻറതാണെന്ന് തിരിച്ചറിഞ്ഞു. കഴുത്തിൽ കയർ മുറുകിയാണ് മരിച്ചതെന്നും ഉള്ളിൽ വെള്ളം കയറിയിട്ടില്ലെന്നും പ്രാഥമിക പരിശോധനയിൽ വ്യക്തമായതായി പൊലീസ് പറഞ്ഞു. 15ന് രാവിലെയാണ് മൃതദേഹം കണ്ടത്. മാർക്കറ്റിൽനിന്ന് കാണാതായി നാലാം ദിവസമാണ് മൃതദേഹം കണ്ടെത്തിയത്. മാർക്കറ്റിൽ തന്നെയാണ് താമസിച്ചിരുന്നതെന്ന് പറയുന്നു. പോസ്റ്റ്മോർട്ടത്തിന് ശേഷം മൃതദേഹം അകന്ന ബന്ധുവിന് വിട്ടുകൊടുത്തു. ലാലൂർ ശ്മശാനത്തിൽ സംസ്കരിച്ചു.മരണത്തെക്കുറിച്ച് പൊലീസ് അന്വേഷണം തുടങ്ങിയിട്ടുണ്ട്. ഫോണിലെ കോൾ വിവരങ്ങൾ കേന്ദ്രീകരിച്ചാണ് അന്വേഷണം.
