മസ്കത്ത്: ദാഹിറ ഗവർണറേറ്റിലെ ഇബ്രിയിൽ മലയാളി വിദ്യാർഥിയെ വീട്ടിനുള്ളിൽ തൂങ്ങി മരിച്ച നിലയിൽ കണ്ടെത്തി. തൃശൂർ തൃപ്രയാർ സ്വദേശി വിനയെൻറ മകൻ വിമൽ കൃഷ്ണൻ (15) ആണ് മരിച്ചത്. ഇബ്രി ഇന്ത്യൻ സ്കൂൾ പത്താം ക്ലാസ് വിദ്യാർഥിയാണ്. വെള്ളിയാഴ്ച ഉച്ചക്കാണ് സംഭവം. വിനയൻ ഇബ്രിയിലെ സയൻസ് കോളജ് അധ്യാപകനാണ്. ഇദ്ദേഹം ഭക്ഷണം വാങ്ങാൻ പുറത്ത് പോയി തിരിച്ചു വന്നപ്പോഴാണ് തൂങ്ങിയ നിലയിൽ കാണുന്നത്. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
