കൊടുങ്ങല്ലൂർ: കുടുംബാംഗങ്ങളുമൊത്ത് ക്ഷേത്ര ദർശനത്തിനെത്തിയ വയോധിക കുഴഞ്ഞുവീണ് മരിച്ചു. ആലുവ വെസ്റ്റ് കടുങ്ങലൂർ സ്നേഹാലയം വീട്ടിൽ നാരായണൻ നായരുടെ ഭാര്യ ലീലയാണ് (87) മരിച്ചത്. കൊടുങ്ങല്ലൂർ ശ്രീ കുറുംബ ഭഗവതി ക്ഷേത്രത്തിൽ ഞായറാഴ്ച രാവിലെ ഏഴോടെയാണ് സംഭവം. ലീല കാറിൽ നിന്നിറങ്ങി ക്ഷേത്രത്തിലേക്ക് നടക്കുന്നതിനിടെ കുഴഞ്ഞു വീഴുകയായിരുന്നു. ഉടൻ കൊടുങ്ങല്ലൂർ താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
