എരുമപ്പെട്ടി: വയോധികനെ കടവരാന്തയിൽ മരിച്ച നിലയിൽ കണ്ടെത്തി. കല്ലൂർ വെള്ളാനിക്കോട് മുട്ടിത്തടി വെള്ളാനി വീട്ടിൽ ചെറിയാനാണ് (65) മരിച്ചത്. കുണ്ടന്നൂർ സെൻററിലെ ഇലക്ട്രിക്കൽ റിപ്പയറിങ് കടയുടെ വരാന്തയിലാണ് മൃതദേഹം കണ്ടത്. പ്രദേശത്ത് വന്നുകൂടിയ ഇദ്ദേഹം നാട്ടുകാരുടെ സഹായത്തിലാണ് കഴിഞ്ഞിരുന്നത്. വടക്കാഞ്ചേരി പൊലീസ് തുടർനടപടികൾ സ്വീകരിച്ചു. മൃതദേഹം മുളങ്കുന്നത്തുകാവ് മെഡിക്കൽ കോളജ് ആശുപത്രി മോർച്ചറിയിൽ.
