മാള: ചാലക്കുടി പുഴയിൽ കാണാതായ ഝാർഖണ്ഡ് സ്വദേശിനിയായ യുവതിയുടെ മൃതദേഹം പുഴയോട് ചേർന്ന കനാലിൽ കണ്ടെത്തി.
കുണ്ടൂരിൽ വീട്ടുജോലിക്കാരിയായിരുന്ന മോനിക്കയുടെ (19) മൃതദേഹമാണ് കുഴൂർ വയലാർ ഭാഗത്തെ പുഴയോട് ചേർന്ന കനാലിൽ കണ്ടെത്തിയത്.
കഴിഞ്ഞ ദിവസമാണ് യുവതിയെ പുഴയിൽ കാണാതായത്. പുഴക്കരയിൽനിന്ന് മൊബൈൽ ഫോൺ ലഭിച്ചതിനെ തുടർന്ന് അഗ്നി ശമന സേനയും നാട്ടുകാരും ചേർന്ന് തിരച്ചിൽ നടത്തിയെങ്കിലും കണ്ടെത്താനായില്ല. രാത്രി തിരച്ചിൽ നിർത്തിവച്ചു. പുഴയിലെ കണക്കൻകടവിലെ തടയണ താഴ്ത്തി നടത്തിയ തിരച്ചിലിലാണ് മൃതദേഹം കണ്ടെത്തിയത്.
