കൊടുങ്ങല്ലൂർ: കൊടുങ്ങല്ലൂരിൽ ആക്രിക്കടയിലെ ജോലിക്കാരനെ മരിച്ച നിലയിൽ കണ്ടെത്തി. എറണാകുളം പറവൂർ വാവക്കാട് പ്ലാക്കൽ സജീവൻ (57) ആണ് മരിച്ചത്. ലോകമലേശ്വരം തണ്ടാംകുളത്തെ ആക്രിക്കച്ചവട കടയുടെ മുറ്റത്ത് വെള്ളിയാഴ്ച രാവിലെയാണ് ഇയാളെ മരിച്ചനിലയിൽ കണ്ടെത്തിയത്. പുലർച്ച ദേഹാസ്വാസ്ഥ്യം അനുഭവപ്പെട്ട ഇയാളെ ആശുപത്രിയിലേക്ക് കൊണ്ടുപോകാൻ ശ്രമിക്കുന്നതിനിടെ മരിക്കുകയായിരുന്നുവെന്ന് സ്ഥാപന ഉടമ തമിഴ്നാട് സ്വദേശി രാജേന്ദ്രൻ പൊലീസിനോട് പറഞ്ഞു. കൊടുങ്ങല്ലൂർ പൊലീസ് അന്വേഷണമാരംഭിച്ചു. ഇദ്ദേഹത്തിന് മുമ്പ് ഹൃദയാഘാതം വന്നിട്ടുള്ളതായി പറയുന്നു. കൊടുങ്ങല്ലൂർ ഡിവൈ.എസ്.പി സലീഷ് എൻ. ശങ്കരെൻറ നേതൃത്വത്തിൽ പൊലീസ് അന്വേഷണം നടത്തി. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി.
