തിരുവല്ല: നാക്കട സ്വദേശിയായ 42കാരനെ കിടപ്പുമുറിയിൽ മരിച്ചനിലയിൽ കണ്ടെത്തി. പരുമല നാക്കട കടവിൽ വീട്ടിൽ സജിത്ത് എബ്രഹാം ജേക്കബിനെയാണ് ചൊവ്വാഴ്ച രാവിലെ 10ഓടെ മുറിയിലെ കസേരയിൽ മരിച്ചനിലയിൽ കണ്ടെത്തിയത്. തിങ്കളാഴ്ച രാത്രി ഒമ്പതരയോടെ ഉറങ്ങാൻ മുറിയിലേക്ക് പോയ സജിത്തിനെ ചൊവ്വാഴ്ച രാവിലെ ഒമ്പത് കഴിഞ്ഞിട്ടും പുറത്ത് കാണാതിരുന്നതിനെത്തുടർന്ന് ബന്ധുക്കൾ ചേർന്ന് വാതിൽ തകർത്ത് അകത്ത് കടന്നപ്പോഴാണ് മരിച്ചനിലയിൽ കണ്ടെത്തിയത്. പുളിക്കീഴ് പൊലീസ് ഇൻക്വസ്റ്റ് നടത്തി. മൃതദേഹം തിരുവല്ലയിലെ സ്വകാര്യ ആശുപത്രി മോർച്ചറിയിലേക്ക് മാറ്റി.
