റാന്നി: റോഡ് മുറിച്ചുകടക്കുന്നതിനിടെ കാൽനടക്കാരൻ കാറിടിച്ചു മരിച്ചു. മക്കപ്പുഴ ചേത്തയ്ക്കൽ കൊല്ലംപറമ്പിൽ കെ.കെ. ശങ്കരൻകുട്ടിയുടെ മകൻ സന്തോഷ് കുമാറാണ് (56) മരിച്ചത്. ബുധനാഴ്ച രാത്രി 10.30ഓടെ പ്ലാച്ചേരി ജങ്ഷന് സമീപമാണ് അപകടം. എരുമേലി ഭാഗത്തേക്ക് പോയ കാർ വീട്ടിലേക്ക് മടങ്ങുകയായിരുന്ന സന്തോഷിനെ ഇടിച്ചശേഷം നിർത്താതെ പോകുകയായിരുന്നു. പൊലീസ് മുക്കടക്ക് സമീപം കാർ തടഞ്ഞ് കാഞ്ഞിരപ്പള്ളി സ്വദേശിയെ കസ്റ്റഡിയിലെടുത്തു. കാറും പിടിച്ചെടുത്തു. ഇടിയുടെ ആഘാതത്തിൽ സന്തോഷ് കുമാർ തൽക്ഷണം മരിച്ചു. റാന്നി പൊലീസ് നടപടി സ്വീകരിച്ചു.
