പീരുമേട്: കൈവരിയില്ലാത്ത കലുങ്കിൽനിന്ന് കാൽ വഴുതി തോട്ടിലെ വെള്ളത്തിൽ വീണ് മരിച്ചനിലയിൽ കണ്ടെത്തി. ഏലപ്പാറ കോഴിക്കാനം തേയിലത്തോട്ടത്തിൽ താമസിക്കുന്ന രാജമണിയാണ് (56) മരിച്ചത്. ഞായറാഴ്ച രാത്രി ടൈഫോർഡ് തോട്ടത്തിലെ വിവാഹച്ചടങ്ങിൽ പങ്കെടുത്തശേഷം തിരിച്ചു മടങ്ങവെ ടൈഫോർഡിലെ തോട്ടിൽ വീണെന്ന് സംശയിക്കുന്നു. തിങ്കളാഴ്ച രാവിലെ തോട്ടം തൊഴിലാളികളാണ് മൃതദേഹം കണ്ടെത്തിയത്.
വാഗമൺ പൊലീസ് കേസെടുത്തു. പീരുമേട് താലൂക്ക് ആശുപത്രിയിൽ പോസ്റ്റ്മോർട്ടം നടത്തി മൃതദേഹം ബന്ധുക്കൾക്ക് വിട്ടുകൊടുത്തു.
