ഒല്ലൂർ: നടത്തറ സിഗ്നൽ ജങ്ഷന് സമീപം നിയന്ത്രണംവിട്ട കാർ ഹൈമാസ്റ്റ് തൂണിൽ ഇടിച്ച് ഗൃഹനാഥൻ മരിച്ചു. മുതുവറ ക്ഷേത്രത്തിന് സമീപം ചെമ്മനങ്ങോട് പരേതനായ ബാലകൃഷ്ണൻ നായരുടെ മകൻ കൃഷ്ണകുമാർ (55) ആണ് മരിച്ചത്. മുതുവറയിലെ തുണിക്കട ഉടമയാണ്.
തിങ്കളാഴ്ച 11.30നായിരുന്നു അപകടം. മണ്ണുത്തി ഭാഗത്തുനിന്നാണ് കാർ വന്നത്. നിയന്ത്രണംവിട്ട് ഡിവൈഡറിൽ കയറി പിന്നീട് ഹൈമാസ്റ്റ് തൂണിൽ ഇടിച്ചുകയറി. മറ്റാരും വാഹനത്തിലുണ്ടായിരുന്നില്ല.
കാറിൽ കുടുങ്ങിയ ഇദ്ദേഹത്തെ വാതിൽ പൊളിച്ചാണ് പുറത്തെടുത്തത്. പൊലീസും ഫയർഫോഴ്സും സ്ഥലത്തെത്തി ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. സംസ്കാരം ചൊവ്വാഴ്ച. ഭാര്യ: ദീപ. മക്കൾ: നന്ദകിഷോർ, നവനീത്.
