മേത്തല: പറവൂരിലുണ്ടായ വാഹനാപകടത്തിൽ കൊടുങ്ങല്ലൂർ സ്വദേശിനിയായ യുവതി മരിച്ചു. പുല്ലൂറ്റ് ചക്കനാട് ഓളിയിൽ ശിവദാസന്റെയും ഭാഗ്യലക്ഷ്മിയുടെയും മകൾ അഖിലയാണ് (22) മരിച്ചത്. ദേശീയപാത 66ൽ റോഡായ പറവൂർ കോൺവെന്റ് വൺവേ റോഡിൽ വൃന്ദാവൻ ബസ് സ്റ്റോപ്പിനുസമീപം ശനിയാഴ്ച വൈകീട്ട് 7.15ന് ആയിരുന്നു അപകടം. വൈദ്യുതി തൂണിൽ തട്ടി ഇരുചക്ര വാഹനത്തിൽനിന്ന് ലോറിക്കടിയിലേക്ക് വീഴുകയായിരുന്നു. സി.എ പഠനം പൂർത്തിയാക്കിയശേഷം എറണാകുളത്ത് സ്വകാര്യ സ്ഥാപനത്തിൽ ജോലി ചെയ്തുവരുകയായിരുന്നു അഖില. ജോലി കഴിഞ്ഞ് സ്കൂട്ടറിൽ വീട്ടിലേക്ക് മടങ്ങുമ്പോഴായിരുന്നു അപകടം.
