മണ്ണുത്തി: ദേശീയപാത പത്താംകല്ലിൽ ശനിയാഴ്ച ഉണ്ടായ വാഹനാപകടത്തിൽ പരിക്കേറ്റ് ചികിത്സയിലായിരുന്ന വിദ്യാർഥി മരിച്ചു. പുത്തൻവീട്ടിൽ അനീഷിന്‍റെയും കുഞ്ഞു ദേവിയുടെയും മകൻ അഞ്ജയ് കൃഷ്ണ (ഒമ്പത്) ആണ് മരിച്ചത്. കണ്ണാറ സ്കൂളിലെ നാലാം ക്ലാസ് വിദ്യാർഥിയാണ്. പത്താംകല്ലിൽ ബിവറേജ്‌സ് ഷോപ്പിന് മുന്നിൽ നിർത്തിയിട്ടിരുന്ന ലോറിക്ക് പിറകിൽ പാലക്കാട്‌ ഭാഗത്തേക്ക് പോവുകയിരുന്നു സ്കൂട്ടർ ഇടിക്കുകയായിരുന്നു. അഞ്ജയ് കൃഷ്ണ പിതാവിന്‍റെ അനുജനോടൊപ്പം സ്കൂട്ടറിൽ പോകുമ്പോഴായിരുന്നു അപകടം. പരിക്കേറ്റ ഇദ്ദേഹത്തെ ആശുപത്രിയിൽ പ്രവേശിപ്പിച്ചു. സഹോദരി: അനാഞ്ജിക കൃഷ്ണ.
