അഴീക്കോട്: കടലിൽ മീൻ പിടിക്കുന്നതിനിടെ തൊഴിലാളി വള്ളത്തിൽ കുഴഞ്ഞുവീണ് മരിച്ചു. അഴീക്കോട് ചുങ്കം ചക്കങ്ങാട്ട് കാർത്തികേയന്‍റെ മകൻ സ്വാമിനാഥനാണ് (62) മരിച്ചത്. പി.വെമ്പല്ലൂർ അമ്പലനട ബീച്ചിന് മൂന്ന് നോട്ടിക്കൽ മൈൽ പടിഞ്ഞാറാണ് സംഭവം. കുഴഞ്ഞുവീണതറിഞ്ഞ് തീരദേശ പൊലീസ് ഇൻസ്പെക്ടർ സി. ബിനുവിന്‍റെ നിർദേശപ്രകാരം ഇന്‍റസെപ്റ്റർ ബോട്ടിൽ കരക്കെത്തിച്ച് കൊടുങ്ങല്ലൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു. അഴീക്കോടുനിന്ന് പോയ ‘സ്നേഹതീരം’ വള്ളത്തിലെ തൊഴിലാളിയാണ്. എസ്.ഐ ശിവൻ, എ.എസ്.ഐ ബിനേഷ്കുമാർ, ബോട്ട് ജീവനക്കാരായ ജിൻസൺ, വിബിൻ, സനൽ എന്നിവരാണ് രക്ഷാപ്രവർത്തനം നടത്തിയത്. ഭാര്യ: കൈരളി. മക്കൾ: ദിനേശൻ, ദീപക്, ദിവ്യ. മരുമകൾ: സംഗീത. സംസ്കാരം ചൊവ്വാഴ്ച.
