മാന്നാർ: പാടശേഖരത്തിൽ അജ്ഞാത മൃതദേഹം കണ്ടെത്തി. ചെന്നിത്തല തൃപ്പെരുന്തുറ ഗ്രാമപഞ്ചായത്ത് ഒന്നാം വാർഡിലെ ഏഴാം ബ്ലോക്ക് പാടശേഖരത്തിലാണ് മൃതദേഹം കണ്ടെത്തിയത്. അച്ചൻകോവിലാറിന്‍റെ കൈവഴിയായ കുരയ്ക്കലാറിനോട് ചേർന്ന പാടശേഖരത്തിലെ വെള്ളക്കെട്ടിൽ ബുധനാഴ്ച ഉച്ചക്ക് ഒന്നോടെയാണ് മൃതദേഹം കണ്ടത്. 50 വയസ്സ് തോന്നിക്കുന്ന പുരുഷനാണ്. കാവിമുണ്ടും ചന്ദനനിറത്തിലെ ടീഷർട്ടുമാണ് വേഷം. മാന്നാർ പൊലീസും മാവേലിക്കര അഗ്നിരക്ഷാസേന യൂനിറ്റും സ്ഥലത്തെത്തി മേൽനടപടികൾ സ്വീകരിച്ചു. മൃതദേഹം ആലപ്പുഴ വണ്ടാനം മെഡിക്കൽ കോളജ് ആശുപത്രി മോർച്ചറിയിൽ.
