അതിരപ്പിള്ളി: മലക്കപ്പാറ തേയിലത്തോട്ടത്തിൽ കീടനാശിനി തളിക്കുന്നതിനിടെ തൊഴിലാളി കുഴഞ്ഞുവീണ് മരിച്ചു. വെസ്റ്റ് ഡിവിഷനിലെ രവി (52) ആണ് ശനിയാഴ്ച രാവിലെ മരിച്ചത്. സ്പ്രേയർ ഉപയോഗിച്ച് കീടനാശിനി തളിക്കുകയായിരുന്നു. മാസ്ക് ധരിച്ചിരുന്നില്ലെന്നാണ് സൂചന. മലക്കപ്പാറ പൊലീസ് മേൽനടപടി സ്വീകരിച്ചു. മൃതദേഹം പോസ്റ്റ്മോർട്ടത്തിന് ചാലക്കുടി താലൂക്ക് ആശുപത്രിയിൽ എത്തിച്ചു.
