ഷൊർണൂർ: ബൈക്കിടിച്ച് പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു. ഷൊർണൂർ എസ്.എം.പി ജങ്ഷന് സമീപം പാറൻസ് ലൈനിൽ പ്ലാശേരിത്തൊടി ബാലരാജിന്റെ ഭാര്യ ശാന്തകുമാരി (71) ആണ് മരിച്ചത്. വെള്ളിയാഴ്ച രാവിലെ 11.15ന് ബൈപാസ് റോഡിലെ ചുടുവാലത്തൂർ ബസ് സ്റ്റോപ്പിന് സമീപമായിരുന്നു അപകടം. നടന്നുപോവുകയായിരുന്ന ഇവരെ കുളപ്പുള്ളി ഭാഗത്തുനിന്ന് വന്ന ബൈക്ക് ഇടിച്ചതിനെ തുടർന്ന് റോഡിൽ തെറിച്ചുവീഴുകയായിരുന്നു. തൊട്ടടുത്ത സ്വകാര്യ ക്ലിനിക്കിൽ കൊണ്ടുപോയെങ്കിലും പരിക്ക് ഗുരുതരമായതിനാൽ തൃശൂർ മെഡിക്കൽ കോളജ് ആശുപത്രിയിലേക്ക് മാറ്റി. അവിടെ വെച്ചാണ് മരിച്ചത്. ബൈക്ക് ഓടിച്ചയാൾക്കെതിരെ കേസെടുത്തു. മക്കൾ: ജയപ്രകാശ്, മഹേഷ്, രഘു, ബൈജു, ദീപ. മരുമക്കൾ: അനിത, രജനി, സജിത.
