മേത്തല: എറണാകുളം ജില്ലയിലെ വടക്കേക്കരയിൽനിന്ന് കാണാതായ യുവാവിനെ കോട്ടപ്പുറം കാഞ്ഞിരപ്പുഴയിൽ മരിച്ച നിലയിൽ കണ്ടെത്തി. വടക്കേക്കര മടപ്ലാതുരുത്തിൽ തൈക്കൂട്ടത്തിൽ മുരളിയുടെ മകൻ ഗോകുൽ കൃഷ്ണയാണ് (22) മരിച്ചത്.
ചൊവ്വാഴ്ച രാവിലെ കാണാതായ ഇയാളുടെ ബൈക്ക് കോട്ടപ്പുറം മൂത്തകുന്നം പാലത്തിന് മുകളിൽ കണ്ടതിനെ തുടർന്ന് പുഴയിൽ തിരച്ചിൽ നടത്തിയിരുന്നു. ബുധനാഴ്ച പുഴയിൽനിന്ന് കടലിലേക്ക് ഒഴുകുന്ന നിലയിലാണ് മൃതദേഹം കണ്ടത്. അഴീക്കോട് തീരദേശ പൊലീസിന്റെ നേതൃത്വത്തിൽ കരയിലെത്തിച്ച് മോർച്ചറിയിലേക്ക് മാറ്റി.
