എരുമപ്പെട്ടി: കയ്പമംഗലം ദേശീയപാതയിൽ കാർ ടോറസ് ലോറിയുമായി കൂട്ടിയിടിച്ചുണ്ടായ അപകടത്തിൽ തയ്യൂർ സ്വദേശി മരിച്ചു. തയ്യൂർ ചിങ്ങപുരത്ത് വീട്ടിൽ സുരേന്ദ്രനാണ് (68) മരിച്ചത്. വെള്ളാറ്റഞ്ഞൂർ സ്വദേശി വിഷ്ണു, ഗുരുവായൂർ സ്വദേശി വിനോദ് എന്നിവർക്കും പരിക്കേറ്റെങ്കിലും ഗുരുതരമല്ല. അപകടത്തിൽപെട്ടവരെ സമീപത്തെ ആശുപത്രിയിൽ പ്രവേശിപ്പിച്ചെങ്കിലും സുരേന്ദ്രൻ മരിക്കുകയായിരുന്നു. പിതാവ്: പരേതനായ മുടവക്കാട് ഭാസ്കര പണിക്കർ. മാതാവ്: ചിങ്ങപുരത്ത് തങ്കം (റിട്ട. അധ്യാപിക). ഭാര്യ: പ്രമീള. മക്കൾ: പ്രശാന്ത്, ലക്ഷ്മി, വിഷ്ണു.
