അതിരപ്പിള്ളി: മുൻ എയർഫോഴ്സ് ഉദ്യോഗസ്ഥൻ റിസോർട്ടിൽ മരിച്ച നിലയിൽ. ചേലക്കര സ്വദേശി മേപ്പാടം ചുങ്കത്ത് ജേക്കബിന്‍റെ മകൻ ജിംസൺ (45) ആണ് മരിച്ചത്. ഞായറാഴ്ച പുലർച്ചെയാണ് പരിയാരം വിരിപ്പാറയിലെ റിവർ എഡ്ജ് റിസോർട്ടിന്‍റെ ചവിട്ടുപടിയുടെ സമീപം മൃതദേഹം കണ്ടെത്തിയത്. കുഴഞ്ഞു വീണതാണെന്ന് സംശയിക്കുന്നു. അതിരപ്പിള്ളി പൊലീസ് മേൽനടപടി സ്വീകരിച്ചു. ചാലക്കുടി താലൂക്ക് ആശുപത്രിയിൽ പോസ്റ്റുമോർട്ടം നടത്തിയ ശേഷം മൃതദേഹം ബന്ധുക്കൾക്ക് വിട്ടുകൊടുത്തു. സംസ്കാരം തിങ്കളാഴ്ച വൈകിട്ട് മൂന്നിന് ചേലക്കര സെന്റ് ജോർജ് ഓർത്തഡോക്സ് പള്ളി സെമിത്തേരിയിൽ. ഭാര്യ: സിജ. മകൾ: ആൻസിയ മേരി. അമ്മ: ലീല.
