ഇരിങ്ങാലക്കുട: വേളൂക്കര ഗ്രാമപഞ്ചായത്ത് ഒമ്പതാം വാർഡ് കടുപ്പശ്ശേരി ഇഞ്ചി പുല്ലുവളപ്പിൽ വീട്ടിൽ വിവിഷിന്റെ ഭാര്യ നീതുവിനെ (23) കുളിമുറിയിൽ മരിച്ച നിലയിൽ കണ്ടെത്തി. ശനിയാഴ്ച രാത്രി കുളിക്കാൻ കയറിയ യുവതി ദീർഘസമയം കഴിഞ്ഞിട്ടും വാതിൽ തുറക്കാത്തതിനാൽ വീട്ടുകാർ ചവിട്ടി പൊളിച്ച് നോക്കിയപ്പോൾ തറയിൽ വീണുകിടക്കുന്നതാണ് കണ്ടത്. ഉടൻ വീട്ടുകാരും നാട്ടുകാരും പുല്ലൂർ മിഷൻ ആശുപത്രിയിൽ എത്തിച്ചെങ്കിലും മരിച്ചിരുന്നുവെന്ന് ഡോക്ടർ പറഞ്ഞു. മൃതദേഹം മെഡിക്കല്‍ കോളജില്‍ പോസ്റ്റ്മോര്‍ട്ടം നടത്തി സംസ്‌കരിച്ചു. മക്കൾ: ആദി വിഗ്നേശ് (നാല്), ആദി വിനായക് (രണ്ട്), ആദി മഹാലക്ഷ്മി (ആറുമാസം).
