അന്തിക്കാട്: അരിമ്പൂർ സ്വദേശിയെ എറണാകുളം തൃപ്പൂണിത്തുറയിലെ താമസ സ്ഥലത്ത് തൂങ്ങിമരിച്ച നിലയിൽ കണ്ടെത്തി. കൈപ്പിള്ളി എൻ.എസ്.എസ്. കരയോഗ മന്ദിരത്തിന് സമീപം പാവറട്ടി വീട്ടിൽ സുന്ദരന്റെ സുബീഷ് സുന്ദരനാണ് (24) മരിച്ചത്. എറണാകുളത്ത് മാർക്കറ്റിങ്ങ് എക്സിക്യൂട്ടിവായി ജോലി ചെയ്തുവരുകയായിരുന്നു. വെള്ളിയാഴ്ച ഉച്ചതിരിഞ്ഞ് താമസസ്ഥലത്തേക്ക് പോയ സുബീഷിനെ പിന്നീട് മരിച്ച നിലയിൽ കണ്ടെത്തുകയായിരുന്നു. മരണത്തിൽ അസ്വഭാവികതയില്ലെന്നാണ് പൊലീസ് ബന്ധുക്കളോട് പറഞ്ഞത്. മാതാവ്: സിന്ധു. സഹോദരങ്ങൾ: സുധീഷ്, സജീഷ്.
