പട്ടിക്കാട്: ചെന്നൈയിൽ ബാങ്ക് ഉദ്യോഗസ്ഥയായ പാണഞ്ചേരി സ്വദേശിനിയായ യുവതി വാഹനാപകടത്തിൽ മരിച്ചു. പാണഞ്ചേരി വിളക്കത്തറ വീട്ടിൽ നന്ദനത്തിൽ പ്രകാശന്റെ മകൾ അമൃതയാണ് (25) മരിച്ചത്. കനറാ ബാങ്ക് ഉദ്യോഗസ്ഥയാണ്. ബാങ്കിലെ ജോലി കഴിഞ്ഞ് വെള്ളിയാഴ്ച രാത്രി സ്കൂട്ടറിൽ ചെന്നൈയിലെ താമസസ്ഥലത്തേക്ക് വരുമ്പോൾ അമൃത സഞ്ചരിച്ച സ്കൂട്ടറിനു പിന്നിൽ ബൈക്ക് ഇടിക്കുകയായിരുന്നു. മാതാവ്: ഉഷ (മാരായ്ക്കൽ സബ് സെന്ററിലെ നഴ്സ്). സഹോദരി: അശ്വതി. സംസ്കാരം പിന്നീട്.
