തൃപ്രയാർ: എടമുട്ടം ആൽഫ പാലിയേറ്റിവ് ആഷിസ് കെയർ ഹോമിലെ അംഗം ബംഗളൂരു സ്വദേശി ആഷ്ലി ലോറൻസ് പീറ്റേഴ്സ് (64) നിര്യാതനായി. വിവിധ രോഗങ്ങളുമായി ദുബൈയിലെ ആശുപത്രികളിൽ ചികിത്സയിൽ കഴിഞ്ഞിരുന്ന ആഷ്ലിയുടെ പരിചരണം ഏറ്റെടുക്കാൻ കുടുംബം തയാറാകാത്തതിനെത്തുടർന്ന് ഇന്ത്യൻ എംബസി ഇടപെട്ട് 2022 സെപ്റ്റംബറിൽ ആൽഫയിലേക്ക് അയക്കുകയായിരുന്നു. വലപ്പാട് സെന്റ് സെബാസ്റ്റ്യൻ ചർച്ച് സെമിത്തേരിയിൽ സംസ്കരിച്ചു.
