കൊല്ലങ്കോട്: വൃക്ക മാറ്റിവെക്കാനുള്ള ശസ്ത്രക്രിയക്ക് ചികിത്സ സഹായസമിതിയുടെ നേതൃത്വത്തിൽ ധനസമാഹരണം നടത്തുന്നതിനിടെ രോഗി മരിച്ചു. പയ്യല്ലൂർ കോവിലകം മാതക്കോട് ചാമുണ്ണിയുടെ മകൻ ബാലനാണ് (കണ്ണൻ -50) ചികിത്സയിലിരിക്കെ മരിച്ചത്. കെ. ബാബു എം.എൽ.എ, കൊല്ലങ്കോട് പഞ്ചായത്ത് പ്രസിഡന്‍റ് കെ. സത്യപാൽ, വിവിധ രാഷ്ട്രീയ നേതാക്കൾ എന്നിവർ ഉൾപ്പെടുന്ന ചികിത്സ കമ്മിറ്റി രൂപവത്കരിച്ച് പ്രവർത്തനങ്ങൾ നടത്തിവരുന്നതിനിടെയാണ് മരണം. ചികിത്സക്കായി നാട്ടുകാർ ബിരിയാണി ഫെസ്റ്റ് നടത്തിയും ധനം സമാഹരിച്ചിരുന്നു. ബാലന്റെ ഭാര്യ: ദീപ. മാതാവ്: വള്ളിയമ്മ. സഹോദരങ്ങൾ: ശിവദാസൻ, ശകുന്തള. സംസ്കാരം തിങ്കളാഴ്ച രാവിലെ 10ന് തൂറ്റിപ്പാടം ശ്മശാനത്തിൽ.
