കൂറ്റനാട്: സ്കൂള്‍ ബസ് ഓടിക്കുന്നതിനിടെ ഡ്രൈവര്‍ ഹൃദയാഘാതം മൂലം മരിച്ചു. തൃത്താല വി.കെ. കടവ് പരേതനായ അറക്കപറമ്പിൽ അബ്ദുൽ റസാക്കിന്‍റെ മകൻ ഫൈസലാണ് (44) മരിച്ചത്. ബുധനാഴ്ച രാവിലെ തൃത്താല വി.എസ് ഇംഗ്ലീഷ് മീഡിയം സ്കൂളിലെ കുട്ടികളുമായി വിദ്യാലയത്തിലേക്ക് പോകവെ കൂട്ടുപാതയിൽ എത്തിയപ്പോഴാണ് ഹൃദയാഘാതം ഉണ്ടായത്. പട്ടാമ്പിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. മാതാവ്: മറിയം. ഭാര്യ: ആയിഷ. മക്കൾ: മിസ്ന, ഫയാസ്.
