തലശ്ശേരി: കണ്ണുരോഗ വിദഗ്ധൻ തിരുവങ്ങാട് കൃഷ്ണയിൽ ഡോ.വി.ഒ. മോഹൻ ബാബു (79) നിര്യാതനായി. ദീർഘകാലം തലശ്ശേരി ഗവ.ജനറൽ ആശുപത്രിയിൽ ഒഫ്താൽമോളജി വിഭാഗത്തിൽ പ്രവർത്തിച്ചിരുന്നു. ഹെൽത്ത് സർവിസിൽ ഡെപ്യൂട്ടി ഡയറക്ടറായാണ് വിരമിച്ചത്. തലശ്ശേരി ടെലി ഹോസ്പിറ്റൽ, വാസൻ ഐ കെയർ, പീകേ ഐ കെയർ ഹോസ്പിറ്റൽ എന്നിവിടങ്ങളിലും പ്രവർത്തിച്ചിരുന്നു. തലശ്ശേരിയിലെ സാംസ്കാരിക മേഖലയിൽ സജീവമായിരുന്ന അദ്ദേഹം നിരവധി സംഘടനകളിൽ അംഗമായിരുന്നു. തലശ്ശേരി ഐ.എം.എ പ്രസിഡന്റ്, കേരള ഒഫ്താൽമോളജി സൊസൈറ്റി പ്രസിഡന്റ് എന്നീ സ്ഥാനങ്ങൾ വഹിച്ചിരുന്നു. നേത്രദാനം പ്രോത്സാഹിപ്പിക്കുന്നതിന് നേതൃത്വം വഹിച്ചു. പരേതരായ ഗോവിന്ദൻ നമ്പ്യാരുടെയും വി.ഒ. മാധവി അമ്മയുടെയും മകനാണ്. ഭാര്യ: ടി.സി. ശ്യാമള. മക്കൾ: ബൃന്ദ മോഹൻ (മസ്കത്ത്), ബിമൽ മോഹൻ. മരുമക്കൾ: പി.എം. പ്രേംരാജ് (മസ്കത്ത്), രസ്യ ബിമൽ (അമൃത വിദ്യാലയം, തലശ്ശേരി). സഹോദരങ്ങൾ: വി.ഒ. ശ്രീനിവാസൻ, വി.ഒ. സുരേഷ് ബാബു, വി.ഒ. പ്രേമലത, വി.ഒ. ശശീന്ദ്രൻ, വി.ഒ. ലതിക. സംസ്കാരം ചൊവ്വാഴ്ച വൈകീട്ട് മൂന്നിന് കണ്ടിക്കൽ എൻ.എസ്.എസ് ശ്മശാനത്തിൽ.
