റാന്നി: ട്യൂഷൻ സെന്‍റർ ഉടമയെ ക്ലാസ് മുറിയിൽ തൂങ്ങി മരിച്ച നിലയിൽ കണ്ടെത്തി. റാന്നി തോട്ടമൺ വടക്കേതിൽ കുട്ടപ്പനാചാരിയുടെ മകൻ വി.കെ. സുരേഷ് കുമാറിനെയാണ് (53) തൂങ്ങി മരിച്ച നിലയിൽ കണ്ടെത്തിയത്. ചൊവ്വാഴ്ച രാവിലെ 7.30ടെയാണ് സാർക്ക് ഇൻസ്റ്റിറ്റ്യൂട്ടിലെ ക്ലാസ് മുറിയിലെ ഫാനിൽ തൂങ്ങി മരിച്ചതായി കണ്ടത്. സാമ്പത്തിക ബാധ്യതയുള്ളതായി വീട്ടുകാർ പറഞ്ഞതായി പൊലീസ് അറിയിച്ചു. അവിവാഹിതനാണ്. സ്ഥാപനത്തിലെ അധ്യാപകൻ കൂടിയാണ്. റാന്നി പൊലീസ് മേൽനടപടികൾ സ്വീകരിച്ചു.
