പഴയങ്ങാടി: എരിപുരം ചെങ്ങൽ പഴയ ജെ.ടി.എസിനു സമീപത്തെ പി.എം. ദേവരാജനെ (49) മരിച്ചനിലയിൽ കണ്ടെത്തി. കണ്ണൂർ വൺ ചാനൽ ഡയറക്ടറായി പ്രവർത്തിച്ചുവരുകയായിരുന്നു. എരിപുരത്തെ വാടക മുറിയിൽ തിങ്കളാഴ്ച വൈകീട്ട് അഞ്ചോടെ തൂങ്ങിയ നിലയിൽ കണ്ടെത്തുകയായിരുന്നു.
പഴയങ്ങാടി പൊലീസ് ഇൻക്വസ്റ്റ് നടത്തിയ മൃതദേഹം കണ്ണൂർ മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. പരേതനായ റിട്ട. പൊലീസ് ഓഫിസർ മാധവൻ- തമ്പായി ദമ്പതികളുടെ മകനാണ്. ഭാര്യ: എൻ.പി. മിനി (ബാങ്ക് ഓഫ് ബറോഡ, പഴയങ്ങാടി). മക്കൾ: ആര്യ, ആദിത്യൻ (ഇരുവരും വിദ്യാർഥികൾ). സഹോദരങ്ങൾ: ദീപ, ദിലീപ് (വിമുക്തഭടൻ), പരേതനായ ദേവദാസ്. സംസ്കാരം പോസ്റ്റ്മോർട്ടത്തിനു ശേഷം ചൊവ്വാഴ്ച എരിപുരംതടം പൊതുശ്മശാനത്തിൽ.
