മാതാപ്പുഴ: തേഞ്ഞിപ്പലം പഞ്ചായത്ത് മുൻ പ്രസിഡന്റും കോൺഗ്രസ് നേതാവുമായ മാതാപ്പുഴയിൽ താമസിക്കുന്ന തൃക്കണ്ണൂർ പിലാത്തോട്ടത്തിൽ മുഹമ്മദ്‌ ഉസ്മാൻ എന്ന കമ്മുക്കുട്ടി (73) നിര്യാതനായി. തേഞ്ഞിപ്പലം പഞ്ചായത്ത് പ്രസിഡന്റ്, പ്രൈവറ്റ് ബസ് ഓണേഴ്സ് അസോസിയേഷൻ മലപ്പുറം ജില്ല കമ്മിറ്റി അംഗം, തേഞ്ഞിപ്പലം സർവിസ് സഹകരണ ബാങ്ക് പ്രസിഡന്റ്, വള്ളിക്കുന്ന് ബ്ലോക്ക്‌ കോൺഗ്രസ് കമ്മിറ്റി സെക്രട്ടറി, തേഞ്ഞിപ്പലം പടിഞ്ഞാറെ മഹല്ല് കമ്മിറ്റി അംഗം, ചെനക്കലങ്ങാടി മദ്റസ കമ്മിറ്റി അംഗം, ചെനക്കലങ്ങാടി ഗവ. യു.പി സ്കൂൾ പി.ടി.എ പ്രസിഡന്റ് എന്നീ സ്ഥാനങ്ങൾ വഹിച്ചിരുന്നു. പിതാവ്: ടി.പി. അബു (കെ.പി.സി.സി മുൻ അംഗം). ഭാര്യ: അയിഷബീവി (ഫറോക്ക്). മക്കൾ: സബാഹ് (സൗദി), നാസിക് (ദുബൈ), നിഷാദ് (സൗദി).
