താനൂർ: തിരൂർ കൂട്ടായിയിൽനിന്ന് മീൻപിടിത്തത്തിന് പോയ യുവാവ് മീൻ കോരുന്നതിനിടെ വള്ളങ്ങൾക്കിടയിൽപെട്ട് മരിച്ചു. പുതിയ കടപ്പുറം സ്വദേശി കടവണ്ടിപുരയ്ക്കൽ യൂസഫ് കോയയാണ് (24) മരിച്ചത്. താനൂർ സ്വദേശിയുടെ ഉടമസ്ഥതയിലുള്ള അംജദ് എന്ന ഫൈബർ വള്ളത്തിലെ തൊഴിലാളിയാണ് യൂസഫ് കോയ.
ചൊവ്വാഴ്ച ഉച്ചക്ക് ഒന്നരയോടെ കൂട്ടായിയിൽനിന്ന് നാല് നോട്ടിക്കൽ മൈൽ അകലെയാണ് അപകടമുണ്ടായത്. പിതാവ്: ഇബ്രാഹിംകുട്ടി. മാതാവ്: പാത്തീക്കുട്ടി. സഹോദരങ്ങൾ: ഹക്കീം, ഇസ്മായിൽ, ഫാസില, ഫർസാന.
