നാദാപുരം: എടച്ചേരി തണൽ അഗതി മന്ദിരത്തിലെ അന്തേവാസി ലെനിൻ കുമാർ (42) നിര്യാതനായി. കോവിഡ് പ്രതിരോധപ്രവർത്തനത്തിന്റെ ഭാഗമായി തെരുവിൽ കഴിയുന്നവരെ പുനരധിവസിപ്പിക്കുന്നതിന് ജില്ല ഭരണകൂടം ഒരുക്കിയ ഉദയം ക്യാമ്പിൽനിന്ന് അസുഖബാധിതനായി കോഴിക്കോട് മെഡിക്കൽ കോളജിൽ അഡ്മിറ്റായി അവിടെനിന്ന് എടച്ചേരി തണൽ അഗതി മന്ദിരത്തിൽ എത്തുകയായിരുന്നു. മൃതദേഹം വടകര ഗവ. ജില്ല ആശുപത്രിയിൽ സൂക്ഷിച്ചിരിക്കുകയാണ്. ഇദ്ദേഹത്തെ കുറിച്ച് വിവരം ലഭിക്കുന്നവർ എടച്ചേരി പൊലീസ് സ്റ്റേഷനുമായോ എടച്ചേരി തണലുമായോ ബന്ധപ്പെടണം. ഫോൺ: എടച്ചേരി പൊലീസ്-04962547022, തണൽ എടച്ചേരി-8075181060.
