നടാൽ: കണ്ണൂർ ഡി.സി.സി മുൻ ജനറൽ സെക്രട്ടറിയും ജില്ല പഞ്ചായത്ത് മുൻ മെംബറുമായിരുന്ന സത്യൻ വണ്ടിച്ചാൽ (65) നടാൽ വായനശാലക്ക് സമീപം ‘വസന്ത’ത്തിൽ നിര്യാതനായി. മുഴപ്പിലങ്ങാട് പഞ്ചായത്ത് മുൻ മെംബർ, ഫോക്ക് ലോർ അക്കാദമി മുൻ സെക്രട്ടറി, പിന്നാക്ക ക്ഷേമ കോർപറേഷൻ മെംബർ, ടൂറിസം കോഓപറേറ്റിവ് സൊസൈറ്റി (കാറ്റ്കോ) പ്രസിഡന്റ്, കാലിക്കറ്റ് യൂനിവേഴ്സിറ്റി യു.യു.സി അംഗം, കോൺഗ്രസ് മുഴപ്പിലങ്ങാട് മണ്ഡലം കമ്മിറ്റി പ്രസിഡന്റ്, എടക്കാട് ബ്ലോക്ക് കമ്മിറ്റി പ്രസിഡന്റ്, കെ.എസ്.യു ജില്ല ജനറൽ സെക്രട്ടറി, യൂത്ത് കോൺഗ്രസ് ജില്ല ജനറൽ സെക്രട്ടറി തുടങ്ങിയ നിലകളിൽ പ്രവർത്തിച്ചിരുന്നു.
പരേതരായ വണ്ടിച്ചാലി നാണു മാസ്റ്ററുടെയും യശോദയുടെയും മകനാണ്. ഭാര്യ: സുചിത്ര (റിട്ട. കേരള ബാങ്ക്). മക്കൾ: ഐറിന (സിനിമ-സീരിയൽ ആർട്ടിസ്റ്റ്), സാഗർ (ടൊയോട്ട, വളപട്ടണം). മരുമകൻ: അഖിലേഷ് (കോൺട്രാക്ടർ). പൊതുദർശനം ബുധനാഴ്ച രാവിലെ എട്ടു മുതൽ 11വരെ നടാൽ വായനക്ക് സമീപമുള്ള വീട്ടിലും 11 മുതൽ 11.30 വരെ മുഴപ്പിലങ്ങാട് കുളം ബസാറിലും 12ന് കണ്ണൂർ ഡി.സി.സി ഓഫിസിലും നടക്കും. സംസ്കാരം ഒന്നിന് പയ്യാമ്പലത്ത്.
