കാവനൂർ: ബംഗളൂരുവിൽ ബൈക്ക് റോഡിൽ തെന്നിമറിഞ്ഞ് കാവനൂർ സ്വദേശിയായ യുവാവിന് ദാരുണാന്ത്യം. പുല്ലംപറമ്പ് കൊമ്പൻ വിളയിൽ മൊയ്തീന്റെ മകൻ മുഹമ്മദ്‌ മഹ്‌റൂഫാണ് (27) മരിച്ചത്.
ഒന്നര വർഷത്തോളമായി ബംഗളൂരുവിലെ സ്വകാര്യ കമ്പനിയിൽ ജോലി ചെയ്യുകയായിരുന്നു. ബുധനാഴ്ച രാവിലെ നാഗ്‍വാര റോഡിലായിരുന്നു അപകടം. ഉടൻ ശ്യാംപുര അംബേദ്കർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം നാട്ടിലേക്ക് കൊണ്ടുപോയി. മാതാവ്: പരേതയായ സുബൈദ. സഹോദരങ്ങൾ: മഹഷൂഖ്, സുമിന, സഫ്ന.
മയ്യത്ത് നമസ്കാരം വ്യാഴാഴ്ച രാവിലെ 8.30ന് കാവനൂർ ജുമാ മസ്ജിദിൽ.
