കോഴിക്കോട്: മാതൃഭൂമി മുൻ ഡെപ്യൂട്ടി എഡിറ്റർ എം.പി. കൃഷ്ണദാസ് (83) തിരുവണ്ണൂർ കോട്ടൺമിൽ റോഡിൽ കോഴിപ്പുറം കോമ്പൗണ്ട് ‘അഞ്ജലി’യിൽ നിര്യാതനായി. 44 വർഷത്തെ സേവനത്തിന് ശേഷം 2006ലാണ് മാതൃഭൂമി കോഴിക്കോട് യൂനിറ്റിൽനിന്ന് വിരമിച്ചത്. 1962ൽ റിപ്പോർട്ടറായാണ് ജോലിയിൽ പ്രവേശിച്ചത്. മാതൃഭൂമി സെൻട്രൽ ഡെസ്‌ക് ഡെപ്യൂട്ടി എഡിറ്റർ, തൃശൂരിൽ ന്യൂസ് എഡിറ്റർ, മുംബൈയിൽ സ്‌പെഷൽ കറസ്‌പോണ്ടന്റ് എന്നീ നിലകളിൽ ജോലി ചെയ്തിട്ടുണ്ട്.
പരേതരായ കോഴിപ്പുറത്ത് ഗോവിന്ദമേനോന്റെയും മധുരക്കോട്ട് പുത്തൻവീട്ടിൽ പാറുക്കുട്ടിയമ്മയുടെയും മകനാണ്. ഭാര്യ: പുതുശ്ശേരിക്കണ്ടി സാവിത്രി (റിട്ട. അധ്യാപിക, ആഴ്ചവട്ടം ശ്രീവ്യാസ സ്‌കൂൾ). മകൾ: ശാലിനി (കാലിക്കറ്റ് സർവകലാശാല). സഹോദരങ്ങൾ: എം.പി. അംബിക (ബംഗളൂരു), പരേതനായ എം.പി. രാമദാസ്. സംസ്‌കാരം ബുധനാഴ്ച രാവിലെ 11.00ന് തിരുവണ്ണൂർ മാനാരി ശ്മശാനത്തിൽ. സഞ്ചയനം വ്യാഴാഴ്ച.
