ഉള്ള്യേരി: കൈതക്കണ്ടി ഇമ്പിച്ചി മമ്മി (88) നിര്യാതനായി. സി.പി.എം ബാലുശ്ശേരി മുൻ ഏരിയ കമ്മിറ്റി അംഗം, സി.ഐ.ടി.യു ജില്ല കമ്മിറ്റി അംഗം, ചുമട്ടുതൊഴിലാളി യൂനിയൻ ഏരിയ സെക്രട്ടറി, മത്സ്യവിതരണ തൊഴിലാളി യൂനിയൻ ജില്ല പ്രസിഡന്റ്, ഉള്ള്യേരി എസ് മാർക്ക് ബീഡി കമ്പനി തൊഴിലാളി, ബീഡി ആൻഡ് സിഗാർ വർക്കേഴ്സ് യൂനിയൻ സംസ്ഥാന കമ്മിറ്റി അംഗം, ബാലുശ്ശേരി ബ്ലോക്ക് പഞ്ചായത്ത് അംഗം, ഉള്ള്യേരി ഗ്രാമപഞ്ചായത്ത് അംഗം, സർവിസ് സഹകരണ ബാങ്ക് ഡയറക്ടർ, ദീർഘകാലം ഉള്ള്യേരി ക്ഷീര സഹകരണ സംഘം പ്രസിഡന്റ് എന്നീ നിലകളിൽ പ്രവർത്തിച്ചിരുന്നു. അടിയന്തരാവസ്ഥക്കാലത്ത് ഉള്ള്യേരി ലോക്കൽ കമ്മിറ്റി സെക്രട്ടറിയായിരുന്നു. മിച്ചഭൂമി സമരത്തിൽ 70 ദിവസം ജയിൽവാസം അനുഷ്ഠിച്ചു. ഭാര്യ: കുഞ്ഞാമിന. മക്കൾ: ഷൈജ (സഹകരണ ബാങ്ക് ഉള്ള്യേരി), ഷറീജ, ഷീന, സലീന. മരുമക്കൾ: കോയ (കൂട്ടാലിട), ശംസുദ്ദീൻ (പള്ളിക്കര), നൗഷാദ് (കണ്ണിപ്പൊയിൽ), പരേതനായ അബ്ദുൽ റഷീദ് (നന്മണ്ട). പൊതുദർശനം വെള്ളിയാഴ്ച രാവിലെ 9 മുതൽ 10. 30 വരെ പഞ്ചായത്ത് കമ്യൂണിറ്റി ഹാളിൽ. ജനാസ നമസ്കാരം രാവിലെ 11 മണിക്ക് ഉള്ള്യേരി ജുമാ മസ്ജിദിൽ. പരേതനോടുള്ള ആദരസൂചകമായി ഉള്ള്യേരി ടൗണിൽ ഉച്ചക്ക് ഒരു മണിവരെ ഹർത്താൽ ആചരിക്കും. വൈകീട്ട് 5 മണിക്ക് അനുശോചനയോഗം നടക്കും.
