കൊണ്ടാഴി: ബൈക്ക് മരത്തിലിടിച്ച് യുവാവ് മരിച്ചു. മായന്നൂർ ഏലംകുളത്ത് വീട്ടിൽ മോഹനന്റെ മകൻ ഗോകുലാണ് (20) മരിച്ചത്. ശനിയാഴ്ച രാത്രി 12 മണിയോടെ സൗത്ത് കൊണ്ടാഴി കരുവാൻപടിയിലായിരുന്നു അപകടം.
സാരമായി പരിക്കേറ്റ ഗോകുലിനെ പ്രദേശവാസികൾ ചേർന്ന് ഒറ്റപ്പാലം താലൂക്ക് ആശുപത്രിയിൽ എത്തിച്ചെങ്കിലും മരിച്ചു. ബൈക്കിൽ ഒപ്പമുണ്ടായിരുന്ന പഴയന്നൂർ കിളിനിക്കടവ് പ്രാച്ചിൻകായിൽ മഹേഷ് (34) നിസ്സാര പരിക്കുകളോടെ ചേലക്കര താലൂക്ക് ആശുപത്രിയിൽ ചികിത്സതേടി.
ചരക്കുലോറി ഡ്രൈവറായ മഹേഷിന്റെ സഹായിയാണ് ഗോകുൽ. ലോറി വടക്കാഞ്ചേരിയിൽ നിർത്തിയശേഷം ഇരുവരും ബൈക്കിൽ വീട്ടിലേക്ക് തിരിച്ചുവരുമ്പോഴാണ് അപകടം. മാതാവ്: സരോജം. സഹോദരി: ഗോപിക.
